صفا وار شور وار یاران حسین آدی گلن یرده

ملک وار حوری وار یاران حسین آدی گلن یرده

حسین آدی گلن یر ریگزار اولسا گلستاندی

اتورسا مهری هردلده او دل دریای ایماندی

اونا یرگوی توکر گوزیاش  فدای دین وقرآندی

اولارگوزیا شلاری باران حسین آدی گلن یرده

حسینه گوزلروم قربان ملک صورتده انساندی

مقام و شانینه  جمله  ملایک  اهلی   حیراندی

حسینی  اتسه لر تفسیر  حسین معنای  قرآندی

اولار روحه روان قرآن حسین آدی گلن یرده

چکر حسرت  ملایکلر حسینون  خادمی  اولسون

ادون همت آی عاشقلر حسینون مجلسی دولسون

بیزه بدبین اولان شخصون باخوب رنگ ورخی سولسون

گرک دور خار اولا دونان  حسین آدی گلن یرده

حسینون خیمه سی آلتی  بیزه مین باشدی جنتدن

اولارکی عترتی سویمزچخاتماز باش بو حکمتدن

اورکدن سسلسوخ آدون  قوتولوخ رنج ومحنتدن

تاپولماز درد بی درمان حسین آدی گلن یرده

دلنوشته کربلای قربان مطلبی

آدرتلگرامی
 https://telegram.me/GorBand
@Mt0418=**پل ارتباطی

https://telegram.me/Sorrayehayaatetabriz

شرف گنجینه سی اهل ولادو ر

ولایت اهلی عشقه آشنادور

طریق عشقیده عاشق یورولماز

اگرعاشق اولا صادق یورولماز

یولوندا سعی ایلر بیراهه گدمز

گیده بیراهه یول مقصوده یتمز

گچر باشدان ولی ظولمه باش اگمز

باش اگسه ذلته گر درده دگمز

دییر عالمده اربابیم حسیندور

صفای  جان می نابیم حسیندور

حسینچی حزب شیطانه قاریشماز

اولر اما یزیدیله باریشماز

حسینچی یارینی اغیاره قاتماز

ریاستدن اوتور عقبانی آتماز

حسین کعبه حسینچی عین حاجی

نه حاجی هیچ کسه یوخ احتیاجی

گرک اهل عمل اولسون هرعاشق   

   خصایصده گوزل اولسون هرعاشق   

  نماز اوسته اولوب شاه شهیدان  

   نمازون قیل صوراسسله حسین جان

یا حسین بیز درگهونده سائل بی دادخواهوخ

گل بیزی قوما قاپوندان شرمسار و روسیاهوخ

بیر بیله شان و جلالت وار جهاندا هانسی شاهون

سائله دائم آچوخدور درگه عالم پناهون

هر ایی دنیا عزیزوخ ذرّه جه اولسا نگاهون

چون سنون عزّت قاپوندان صاحب اجلال و جاهوخ

کانال اشعار کربلای قربان مطلبی در تلگرام

https://telegram.me/GorBand

کانال اشعارقربان مطلبی و شاعران اهلبیت. https://telegram.me/GorBand, [۲۷.۰۱.۱۶ ۱۰:۴۲]
گل عم اوغلی فاطمه محنتون - اورگه سالوب بیله آغلاما
گوزوون یاشون سیله بیلمورم - یوزومه باخوب بیله آغلاما
سنه من فدا بیله آغلاما
علی آغلاما علی آغلاما

قاخموری قولوم گوزیاشون سیلم – منی عف ایله شه لا فتی
رسمدورعم اوغلی جهانیده - غملی غملینون دادینه چاتا
گورمیسن؟ ایوه سن گلن زمان – بسترونده فاطمیه هیچ یاتا
بسترونده فاطمه یا علی - یارلی یاتوب بیله آغلاما
سنه من فدا بیله آغلاما


نه قدر کی جان دوداقومدا وار – دیرم فقط علی یا علی
غمه سینمی سپر ایتمیشم - بیله گورمیم سنی یا علی
دیزیوی قوجاخلاما قون سنون - ایله یاندورور منی یا علی
سن زینبون جانی یا علی - یوزومه باخوب بیله آغلاما
سنه من فدا بیله آغلاما

جانووا فدا یارالی جانوم - نیه اشکیووی یوزه باغلوسان
گورورم بوگونلرعم اوغلی جان- اورگون شراریله داغلوسان
باخورام گوزون یاشی هی آخور - مگراولموشم بله آغلوسان
ولی نیلیاخ قلم قضا - بیزه غم یازوب بیله آغلاما
سنه من فدا بیله آغلاما


گل عم اوغلی درد دل ایلیاخ – پوزولور صفاسی بو خانه نون
بیزی چولقادی غمه روزگار - یوزی گولمسون بوزمانه نون
بولورم حالیم نان گلیلیسن - یری ایندی یوخدی گلایه نون
فلک آیرولوخ اوخونی علی – اورگه ساچوب بیله آغلاما
سنه من فدا بیله آغلاما
https://telegram.me/GorBand

منی عف ایله بوحالوملا گر - ایلسم اذیت عم اوغلی جان
آخی من مریض مرا مو وم – ایله بیر عیادت عم اوغلی جان
الوم حقدی ای شه لا فتی - ادورم وصیت عم اوغلی جان
داخی عمر فاطمه ای علی - آخره چاتوب بیله آغلاما
سنه من فدا بیله آغلاما

اولین وصیت بودور منیم – دفن کفنیمه اوزگه گلمسون
غسلومی گیجه یاری ورگینن- یاره می گوزون بلکه گورمسون
یاره می گوزون گورسه سعی ایله - زینبیم منیم بیرده بولمه سون
بولسه زینبیم رام اده مسن – گوز یاشی توکوب بیله آغلاما
سنه من فدا بیله آغلاما
https://telegram.me/GorBand

بیرده واردی بیرجه سفارشیم – قویما قیزلاروم غملره یانا
گلسن هرزمان قبروم اوستونه – زینبی گتور قویما تک قالا
اوخشویار گوزل قیز آناسینی – منی اوخشویان زینبوم اولا
ورتسلی چوخ اوخشاسامنه – سیل گوزون یاشون بیله آغلاما
سنه من فدا بیله آغلاما
https://telegram.me/GorBand

عمرومون یتور سونا گونلری - دوت بالامی قوی تاپشوروم سنه
دوردی ده منه محترمدولر - لیک قوی دیوم بیر سوزی سنه
بولوسن حسینی چوخ ایسترم – آغلاسا گلر مین محن منه
دشت کربلایه دین حسین - آغلاماخ قالوب بیله آغلاما
سنه من فدا بیله آغلاما
https://telegram.me/GorBand

اورگینده مین غمیله خانوم – بوسوزی(مطلبی)باشلادی
سینه وون یاراسینی یاد ادوب – یوزه اشکینی توکوب آغلادی
بیله آغلاما دیدی یا علی – گیجه صبحه تک یازوب آغلادی
 اونادا برات بقیع نی ور- دینه بسدی بیر بیله آغلاما

اثر کربلای قربان مطلبی
کانال اشعارقربان مطلبی و شاعران اهلبیت.
https://telegram.me/GorBand

ظاهرا چوخلاری  قرانون اوخـور آیه ســـینی

عمل ایتموراوناسالــموریادا همــسایه ســینی

دوزیولاصرف ایلمور  الده کی  ســرمایه سینی

سایه دیــنده یــخوردین ائوینـون پـایـه سـینی

ای یاتان داشلارون آلتوندا حسین دور یارالی

غملرون گورنه قوجالدوب باجووی گور یارالی

بیر یانان خیمه اولوب مسکن اوغول سوزلارووا

گویون اولدوزلاری آغلوردی حسین قیزلارووا

اولموشام من ده پرستار سویولان قیزلارووا

سن گیدنن باجوون حالی یاماندور یارالی

سن گیدنن یارالی وای دیوب ایوای دیورم

گه قاچوب مقتله گه خیمیده ایوای دیورم

قوشولوب گاهی ربابه علی لای لای دیورم

گوز یاشوم سیل کیمی گوزلرده رواندور یارالی

یاتمادی غملی رباب صبحه جه دلدن ملدی

یغوشوب با شینه قیزلارخانمی دوره له دی

اولدی قونداقی بهانه هامی گوز یاش الدی

اوغلی اولسه آنانون کاری فغاندور یارالی

بو گیجه صبحه کیمی ناله ایدوب آغلاموشام

خیمه نی مات و پریشان دولانوب آغلاموشام

گوردوگوم صحنه لری یاده سالوب آغلاموشام

گوزلروم دور نجه گور اشک فشاندور یارالی

بیر غمیم هر نه دن آرتوخ منی آغلاتدی حسین

سینن اوستونده یاتان قیز نجه بس یاتدی حسین

هی سوروشدی بابام هاردا منی آغلاتدی حسین

منی دیلدن سالان اول خردا بالاندور یارالی

 (التماس دعا کربلای قربان مطلبی)

ایکی داشه بیر باش اولوب نشان، بیری کوفه ده بیره شامیده

ایکی یول دگوب اونا خیزران، بیری کوفه ده بیره شامیده

ایکی داشه بیر باش اولوب نشان، بیری کوفه ده بیره شامیده

ایکی یول دگوب اونا خیزران، بیری کوفه ده بیره شامیده