عشق گینه دللره طوفان سالوب
عشق ایشینه عقلیده حیران قالوب
فاتح ایدوب دللری پیمان آلوب
آخ قلمیم گورنجه عنوان یازوب
خط ولایتده هامی حاضروخ
حیدریوخ فاطمه سربازی یوخ
—------------------------
ماه محرمدی عزا توتموشوخ
کوچـه و بازاره قرا ورموشوخ
قاره گیوب پیشوازینا چیخموشوخ
حلقـه ماتم آقاما قورموشوخ
شـاه لـب عطـشانین عزاداریوخ
حیدریوخ فاطمه سربازی یوخ
—-------------------------
ماه محرم بیزه سرمایه دی
فاطمه سربازیده آماده دی
هر ایکی دنیاده ده آزاده دی
جنت اونا والا بلا مانه دی
جنته یوخ فاطمه مشتاقی یوخ
حیدریوخ فاطمه سربازی یوخ
—---------------------—
پرچمینه قربان اولا جانیمیز
ملک حسیندی بیزیم ایرانیمیز
بیمه دی اربابیمیزه جانیمز
ماه محرم اوجالار دادیمز
قولسوز علمدارین عزاداریوخ
حیدریوخ فاطمه سربازی یوخ
—------------------------
فاطمه نین اوغلودی دلداریمیز
آدی گلـنده اوجـالار آهیمیز
یکسر عزاداریدی ایرانیـمیز
فتح ایلیر یر گویی فریادیمز
جان آقاما ورمگه بیزحاضروخ
حیدریوخ فاطمه سرباز یوخ
—---------------------—
هانسی شهین خرداجا سربازی وار
یر گـوی آرا رتبه والاسی وار
هانسی شهین گویده عزاداری وار
اون گونی هریرده اونون یاسی وار
مجلس یاسینده هامی حاضروخ
حیدریوخ فاطمه سربازی یوخ
—------------------------------
به به عجب سرورو سالاری وار
بیر اوجا بو سرو دل آراسی وار
باب الحوایج گوزل عباسی وار
هرنه چتین درد اولا درمانی وار
عاشق عباس دل آرا سیوخ
حیدریوخ فاطمه سربازی یوخ
—-------------------------
کیم دییری پرچم عترت یاتار
دشمن ایوین بو قره کوینک یخار
کیم قاباغیندا دایانا سیندیرار
قاره گینن دشمنه سیلی ورار
عترت پیغمبره بیز حامی یوخ
حیدریوخ فاطمه سربازی یوخ
—---------------------------
زینبیلر عشق نشان وردیلر
آتدیلار گوزدن بالانی گتدیلر
بوسوزی داعشلره عرض ایتدیلر
هارادا حرم اولسا بیزیم یردیلر
سوریه ده کربلادا حاضروخ
حیدریوخ فاطمه سربازی یوخ
—---------------------—
فاطمه نین قاره سینی باغلاروخ
حضرت عباس علمین قوزاروخ
زینب آدون ذکرایده روخ دویماروخ
مرقدینه چپ باخانی اوخلاروخ
دشمنی اعمالینه بیز ناظروخ
حیدریوخ فاطمه سربازی یوخ
—---------------------------
وردی نشان عشقی مدافع حرم
نوکر دربار شه بی سرم
دوغرانا گر اکبره تای پیکرم
دشمن نامرده حرم ورمرم
زینبه جان ورمگه بیز حاضروخ
حیدریوخ فاطمه سربازی یوخ
—---------------------------—
بیر گون اولار مهدی زهرا گلر
عاشق اولان شوقیله گوزیاش الر
غمله دولا ن دللریمز دینجلر
کعبیه حیدر علمین نصب ایلر
گوزلریموز یولدادی مشتاقیوخ
حیدریوخ فاطمه سرباز یوخ
—-------------------
سیزلره احسن کی تاپوپسوز حضور
مجلسینی ایلمیسیز غرق نور
بوسوزی درک ایتماقا ایستر شعور
فاطمه دی جنته رمز عبور
هر ایکی دنیا ده محتاجی یوخ
حیدریوخ فاطمه سرباز یوخ
دلنوشته کربلای قربان مطلبی
09144071805

تاريخ : سه شنبه 25 مهر 1396

| 20:52 | نویسنده : قربان مطلبی مایانی |

كد ساعت